Avval

Bir fikr yoki bir insonga munosabat bildirishdan oldin:

1. E’tiqodi
2. Anglashi
3. Dunyo qarashi

Bularni bilsak adekvat munosabat bildira olamiz.

Kimningdir dunyoqarashi yoki tanlovi ko‘pincha e’tiqodiga bog‘liq bo‘ladi. Agar biz uning e’tiqodini bilmasak, ba’zi xatti-harakatlarini noto‘g‘ri talqin qilishimiz mumkin.

Inson har doim bir narsani o‘z bilim va tajribasi doirasida anglaydi. Agar biz uning qanday darajada anglashini inobatga olsak, uning so‘zlari yoki qarashlariga nisbatan adolatliroq bo‘lamiz.

Dunyoqarash - bu insonning hayotiy pozitsiyasi, tajribasi, madaniyati, olgan tarbiyasi bilan shakllangan umumiy "ko‘zoynagi". Shu sababli bir fikrni baholashdan oldin odamning dunyoqarashini tushunish, uni kontekstdan uzib baholashdan ko‘ra to‘g‘riroq bo‘ladi.