Opportunity cost

Opportunity cost - bu qilgan tanlovingiz sabab voz kechilgan eng yaxshi imkoniyat yoki variant.

A ni tanlasa, B dan olinishi mumkin bo‘lgan natija.

Misollar bilan tushuntirishga harakat qilaman.

Ishni tanlash yoki o‘qish:

a) Deylik oyiga $1000 topish b) Universitetda o‘qish yoki malaka oshirish, 2-4 yil davom etadi va bu jarayonda siz daromad ko‘rmaysiz

Agar siz ishni tanlasangiz, opportunity cost faqat o‘qish uchun to‘lanadigan pul emas.

Siz voz kechayotgan narsalar:

• yangi bilim
• diplom yoki malaka
• yangi netvorking
• 2-4 yildan keyingi yuqoriroq daromad imkoniyati

Bugungi $1000 ni tanlashning opportunity cost’i - ta’lim orqali kelajakda olishingiz mumkin bo‘lgan imkoniyatlar.

Yana bir misol: Oila va karyera

Ishingizda katta lavozimga ko‘tarilish imkoniyati paydo bo‘ldi.

Buning uchun:

• kechasi ishlash
• dam olish kunlari ishlash
• ko‘p safar qilish

kerak.

Siz lavozimni qabul qildingiz. Uning opportunity cost’i nima?

Faqatgina bo‘sh vaqt emas.

Balki:

• farzandlari bilan o‘tkazilmagan vaqt
• oilaviy munosabatlar
• sog‘lom dam olish
• shaxsiy hayot
• boshqa loyihalar

Ba’zi opportunity cost’larni pul bilan o‘lchab bo‘lmaydi.

Biror qaror qabul qilishdan oldin uning Opportunity cost’ni nima ekanligi haqida aniq tasavvurga ega bo‘ling, chunki bir varyantni tanlash - boshqa variatdan voz kechishdir.

Opportunity cost - Charlie Mungerning fikrlash modellari ichida eng muhimlaridan biri hisoblanadi.